8 ta OTMda chet tilidan ijodiy imtihon bekor bo‘ldi

2024 yilda ushbu ro‘yxatdagi oliy ta’lim muassasalarida (OTM) chet tili bo‘yicha ijodiy imtihon bekor qilindi va boshqa chet tili yo‘nalishlari bor OTMlar kabi test imtihoni o‘tkaziladi.

Quyidagi OTMlarda ijodiy imtihon bekor qilindi:

1. O‘zbekiston davlat jahon tillari universiteti
2. Samarqand davlat chet tillar instituti
3. Toshkent davlat sharqshunoslik universiteti
4. Toshkent davlat pedagogika universiteti
5. Qo‘qon davlat pedagogika instituti
6. Nukus davlat pedagogika instituti
7. Andijon davlat chet tillar instituti
8. Namangan davlat chet tillar instituti

Ushbu ta’lim muassasalarining xorijiy tillar bo‘yicha pedagoglarni tayyorlovchi bakalavriat ta’lim yo‘nalishlarida 2024 yildan boshlab chet tilidan ijodiy imtihon o‘rniga test imtihoni o‘tkaziladi. Bu yangilik abituriyentlar uchun test imtihonlariga tayyorgarlik ko‘rishda yangi imkoniyatlar yaratadi va imtihon jarayonini yanada osonlashtiradi.