Toshkent tibbiyot akademiyasi Farg‘ona filiali O‘zbekiston Respublikasi Vazirlar Mahkamasining 1998 yil 3 iyundagi 239-sonli qaroriga binoan Farg‘ona Davlat Universiteti qoshidagi “Tibbiyot markazi” asosida tashkil qilingan.
Filial hozirgi vaqtda Respublikadagi tibbiyot oliy o‘quv yurtlari bilan bir qatorda Respublikamiz viloyatlari uchun Davolash ishi, Kasb ta’limi “Tibbiy pedagogik ish”, “Tibbiy-profilaktika ishi” va “Oliy hamshiralik ishi”, “Biotibbiyot muxandisi” ixtisosliklari bo‘yicha “Umumiy amaliyot shifokori”, “Vrach umumiy gigienist-epidemiolog” va “Oliy ma’lumotli hamshira”, “Tibbiyot muxandisi”larini hamda qo‘shma ta’lim dasturi asosida Rossiya Federatsiyasining Kuban davlat tibbbiyot universiteti bilan hamkorlikda Davolash ishi va Stomatologiya, Kursk davlat tibbbiyot universiteti bilan hamkorlikda Pediatriya ishi ta’lim yo‘nalishlari bo‘yicha “Davolash vrachi”, “Vrach stomatolog”, “Vrach pediatr”larni tayyorlovchi tibbiyot oliy o‘quv yurtidir.
Fakultetlar va ta’lim yo‘nalishlari
Institutning rasmiy saytida 4 ta fakultet ko‘rsatilgan.
- Davolash ishi fakulteti;
- Tibbiy profilaktika va jamoat salomatligi fakulteti;
- Xalqaro fakultet;
- Pediatriya fakulteti.
Institut tarkibida 29 ta kafedra faoliyat yuritadi, shuningdek doktorantura bo‘yicha 12 ta ixtisoslik mavjud.
