Profi University kirish ballari 2025

Profi University – Zamon bizniki

Bir paytlar uchta xonadan iborat kichik bir o‘quv markazi sifatida tashkil qilingan “Profi Education” hozirga kelib xususiy bog‘cha, maktablar, o‘quv markazlari tarmog‘iga aylandi. 2021-yil dekabr oyida kompaniya yangi marra — universitet tashkil etishga erishdi. Aslida o‘sha vaqtda maqsad yangi maktabgacha ta’lim muassasalari va maktablar tashkil etish uchun kadrlar tayyorlash masalasi edi. Ammo bugun universitetning maqsadi tor doirada emas, milliy manfaatlar darajasiga ko‘tarilgan.

Oradan bir yil o‘tib, “Profi University”ning litsenziyasi Vazirlar Mahkamasi qoshidagi Ta’lim sifatini nazorat qilish davlat inspeksiyasi tomonidan qayta yangilandi. Endilikda universitet ikki shaharda — Toshkent va Navoiy shaharlarida faoliyat olib bormoqda. O‘z yo‘nalishlarini esa yana yangi sohalar bilan ham to‘ldirdi. Bu esa “Profi University”ning oliy maqsadini amalga oshirishni boshlash uchun tamal toshi bo‘lib xizmat qildi.