Toshkent Ijtimoiy Innovatsiya Universiteti (TIIU) — ilg'or ta'lim texnologiyalariga asoslangan holda ijtimoiy soha va iqtisodiyot tarmoqlari uchun zamonaviy bilim va ko'nikmalarga ega, mas'uliyatni o'z zimmasiga olishga qodir, mustaqil fikrlaydigan malakali kadrlarni yetishtirib beruvchi nodavlat oliy ta'lim tashkilotidir.
Universitet talaba-yoshlarga yuqori sifatli ta'lim xizmatlarini taqdim etadi va ijtimoiy-iqtisodiy sohadagi o'zgarishlarga innovatsion yechimlar bilan salmoqli hissa qo'shishni o'z oldiga maqsad qilib qo'ygan.
Ta'lim yo'nalishlari
Universitetda quyidagi yo'nalishlar bo'yicha bakalavriat va magistratura bosqichlarida ta'lim olishingiz mumkin: Iqtisodiyot, Moliya va moliyaviy texnologiyalar, Bank ishi, Buxgalteriya hisobi va audit, Axborot tizimlari va texnologiyalari (dasturlash), Psixologiya, Filologiya va tillarni o'qitish, Boshlang'ich ta'lim, Maktabgacha ta'lim hamda Jismoniy madaniyat. Ta'lim kunduzgi, kechki va sirtqi shakllarda, zamonaviy kredit-modul tizimi asosida tashkil etilgan.
(Eslatib o‘tamiz sirtqi ta'lim shakliga faqat o‘qishni ko‘chirib o‘tkazish asosida amalga oshiriladi.
Sirtqi ta'lim shakliga 1-kursga qabul yo‘q.)
Stipendiya va moliyaviy imkoniyatlar
TIIU iqtidorli talabalarni rag'batlantiradi. Talabalarning o'qishga bo'lgan ishtiyoqini oshirish maqsadida bilimlarni o'zlashtirish darajasiga qarab 300 000 so'mdan 500 000 so'mgacha stipendiya dasturi joriy etilgan. Shuningdek, universitetda Prezident va Davlat nomdor stipendiyalari tanlovlari ham o'tkaziladi.
Til sertifikati egalariga chegirmalar
Til sertifikatiga ega abituriyentlar uchun maxsus chegirmalar:
Nega aynan TIIU?
Tajribali professor-o'qituvchilar. Dars mashg'ulotlarini ko'p yillik ilmiy va amaliy tajribaga ega professor-o'qituvchilar hamda amaliyotchi mutaxassislar olib boradi. Har bir talabaga individual yondashuv ta'minlanadi.
Ish beruvchilar bilan hamkorlik. Universitet yirik kompaniyalar bilan hamkorlik qiladi. Talabalar amaliy ko'nikmalarni egallab, o'z sohasining yetuk mutaxassisi sifatida shakllanadi, hatto shaxsiy biznesini tashkil etishga ham tayyorlanadi.
Shaxsiy rivojlanish. Ta'lim jarayonida talabalarda muloqot qilish, samarali qaror qabul qilish, ijodkorlik, muammolarni aniqlash va hal etish hamda o'ziga ishonch kabi zamonaviy ko'nikmalar shakllantiriladi.
Zamonaviy infratuzilma. Kengaytirilgan va yangi kitoblar bilan boyitilgan kutubxona, zamonaviy o'quv xonalari va kompyuter sinflari talabalar ixtiyorida. Raqamli kutubxona va elektron ta'lim tizimi orqali resurslarga istalgan vaqtda kirish mumkin.
Iqtidorli talabalar uchun imkoniyatlar. Prezident va Davlat nomdor stipendiyalari tanlovlari, ilmiy loyihalar, tanlovlar va xalqaro tadbirlarda ishtirok etish imkoniyati. Iqtidor bu yerda qadrlanadi va qo'llab-quvvatlanadi.
Boy talabalik hayoti. "Kelajakka qadam" kabi loyihalar, ilmiy konferensiyalar, madaniy tadbirlar va talabalar uchrashuvlari — bu yerda ta'lim faqat darslar bilan cheklanmaydi.
Karyera va kelajak. Biz talabalarga shunchaki bilim beribgina qolmay, ularning kasbiy martabalarida muvaffaqiyat qozonishlariga, qobiliyat va layoqatlarini kashf etishlariga ko'maklashamiz.
Kelajagingizni shu yerda quring. TIIU — innovatsiya, bilim va muvaffaqiyat sari ishonchli qadam. Hoziroq hujjat topshiring va o'z imkoniyatlaringizni ro'yobga chiqaring!
Mutaxassisliklarni shu yerda ko'rishingiz mumkin!
