9-11-sinflar uchun o‘tkaziladigan yakuniy davlat attestatsiyasi imtihonlari sanalari ma’lum qilindi
2025–2026-o‘quv yilida umumiy o‘rta ta’lim muassasalarida 9- va 11-sinf bitiruvchilari uchun yakuniy davlat attestatsiyasi imtihonlari 2026-yil 26-maydan 15-iyungacha o‘tkaziladi. Bu haqda Maktabgacha va maktab ta’limi vazirining 2026-yil 16-martdagi 102-son buyrug‘ida ma’lum qilingan.
9-sinflar uchun fanlar:
- Ona tili va adabiyot / Davlat tili — Yozma shaklda;
- Matematika — Yozma shaklda;
- O‘zbekiston tarixi — Yozma/og‘zaki shaklda;
- Jismoniy tarbiya — Amaliy shaklda.
11-sinflar uchun fanlar:
Majburiy fanlar:
- Ona tili va adabiyot / Davlat tili — Yozma shaklda;
- Matematika (asosiy yoki chuqurlashtirilgan) — Yozma shaklda;
- Tarix — Yozma shaklda;
Tanlov fanlar (2 ta tanlanadi):
- Ona tili va adabiyoti — Yozma shaklda;
- Biologiya — Yozma shaklda;
- Fizika — Yozma shaklda;
- Kimyo — Yozma shaklda;
- Huquq — Yozma shaklda;
- Geografiya — Yozma shaklda;
- Chet tili — Yozma/og‘zaki shaklda.
Qoraqalpoqiston Respublikasidagi umumta’lim maktablari uchun davlat tili imtihonini qoraqalpoq tilida topshirish tavsiya etiladi.
11-sinf bitiruvchilari 3 ta majburiy va 2 ta (Matematika (Chuqurlashtirilgan) variantini tanlagan o‘quvchilar uchun 1 ta) tanlov fanlardan imtihon topshirishlari kerak bo‘ladi.
Matematika fanidan 11-sinf bitiruvchilari berilgan 2 ta variantdan birini tanlashlari mumkin:
— Matematika (Asosiy): Umumta’lim dasturidagi asosiy bilim va ko‘nikmalar baholanadi.
— Matematika (Chuqurlashtirilgan): Umumta’lim chuqurlashtirilgan dasturidagi bilim va ko‘nikmalar baholanadi.
11-sinfda o‘quvchining ixtiyoriga ko‘ra tanlov fanlar yakuniy davlat attestatsiyasi o‘tkazilishidan bir oy oldin uning arizasiga ko‘ra tanlanadi.
