Maktab ichki tartib qoidalari: Ota-onalarga qo‘yilgan asosiy talablar

Maktabning ichki tartib qoidalariga ko‘ra ota-onalar qanday talablarga rioya qilishlari kerak?

Xalq ta’limi vazirining 2022-yil 28-iyuldagi 246-son buyrug‘iga ko‘ra, maktab ichki tartib qoidalariga muvofiq ota-onalarga bir qator talablar belgilangan. Quyida ota-onalar rioya qilishlari kerak bo‘lgan asosiy talablar keltirilgan:

Ota-onalarga qo‘yilgan talablar:

1. Ichki tartib qoidalari bilan tanishish

   • • Ta’lim muassasasining ichki tartib qoidalarini bilish va ularga amal qilish.

2. O‘qituvchini hurmat qilish

   • • O‘qituvchilarning sha’ni va qadr-qimmatini hurmat qilish, dars jarayoniga aralashmaslik va pedagoglarni haqorat qilmaslik.

3. Farzandini nazorat qilish

   • • Farzandining maktab ichki tartib va odob-axloq qoidalariga rioya qilishini nazorat qilish.

4. Farzandini darslarga to‘liq qatnashishini ta’minlash

   • • Farzandining darslarga muntazam qatnashishini, shuningdek, o‘quv materiallari, ish daftarlari va zarur o‘quv jihozlari bilan ta’minlash.

5. Farzandini ta’limga tayyorlash

   • • Farzandining darslik va o‘quv qurollari bilan ta’minlangan holda maktabga kelishini ta’minlash.

6. Farzandining bo‘sh vaqtini mazmunli tashkil etish

   • • Darsdan keyin farzandining bo‘sh vaqtini mazmunli tashkil etish, uni ta’lim olishiga to‘sqinlik qilmaslik va maktabga o‘z vaqtida kelishini nazorat qilish.

7. Sinf rahbari va o‘qituvchilar bilan aloqada bo‘lish

   • • Farzandining xulqi va davomati yuzasidan sinf rahbari va fan o‘qituvchilari bilan doimiy aloqada bo‘lish.

8. Davomat haqida xabar berish

   • • Farzandi darslarga qatnashmaydigan holatlarda sinf rahbariga sabablarini bildirgan holda xabar berish.

9. Maktab tadbirlarida ishtirok etish

   • • Ta’lim muassasasining taklifiga binoan ota-onalar yig‘ilishlari, suhbatlar va turli ma’naviy-ma’rifiy tadbirlarda ishtirok etish.