Maktabda o‘quvchilarga telefonlardan foydalanish qoidalari

Maktabda o‘quvchilarga quyidagilar qat’iyan taqiqlanadi:

• Telefonini bo‘yniga osib olish, ko‘krak cho‘ntaklarida, shim, yubkalar cho‘ntaklarida va shu kabilarda saqlash;
• Telefon akkumulatorini zaryadlash uchun ta’lim muassasasi elektr tarmoqlariga ulash;
• Telefon orqali atrofdagilarga zo‘ravonlik, shafqatsizlik, pornografiyani targ‘ib qiluvchi video va suratlarni namoyish qilish;
• Ta’lim muassasasining nufuziga zarar yetkazuvchi holatlarni, shu jumladan, zo‘ravonlik va vandalizmni suratga olib, ularni atrofdagilarga namoyish etish;

O‘quv mashg‘ulotlari vaqtida:

• Telefon orqali so‘zlashish, SMS (MMS) va boshqa turdagi xabarlarni jo‘natish;
• Telefonni stol ustiga qo‘yish;
• Musiqa tinglash;
• Surat va video tasvirlarni ko‘rsatishda telefondan foydalanish, tasvir ko‘rish, diktofon, kalkulyator, kalendar, bloknot, yon daftarcha kabi ilovalarni ishlatish;
• Suratga olish va video tasvirga tushirish;
• Telefon orqali boshqa xizmatlardan foydalanish.

Agar tartib buzilsa:Ushbu talablar buzilgan taqdirda, ta’lim muassasasining har qanday pedagog xodimi o‘quvchidan telefonni olib qo‘yish, bildirishnoma rasmiylashtirish va uni direktor yoki direktor o‘rinbosariga topshirish hamda ota-onalarga berish huquqiga ega