O‘qituvchining o‘z hisobidan ta’til olishiga rahbar ruxsat bermasligi mumkinmi?
Rahbarlar o‘qituvchining o‘z hisobidan ta’til olishiga ruxsat bermaslikka haqlimi?
Xodim o‘z hisobidan ta’til olishga haqli. Lekin buning tartibi mehnat qonunchiligida belgilangan.
Mehnat kodeksining 241-moddasiga asosan, xodimning yozma arizasiga ko‘ra unga ish haqi saqlanmaydigan ta’til berilishi mumkin bo‘lib, uning davomiyligi xodim va ish beruvchi o‘rtasidagi kelishuvga ko‘ra belgilanadi. Lekin u ish haqi saqlanmaydigan oxirgi ta’til berilgan kundan e’tiboran kalendar yil davomida uzluksiz yoki jamlangan holda uch oydan oshmasligi kerak.
Shunga ko‘ra xodim o‘z hisobidan ta’til olishi mumkin.
Biroq bu ta’tilni olishi uchun u ish beruvchi bilan kelishishi shart. Agar kelishuvga erishilmasa, xodim bu ta’tilni ololmaydi.
Lekin xodim MK 242-moddasida ko‘rsatilgan shaxslar toifasiga kirsa, bu huquqdan ish beruvchining roziligisiz ham foydalanishga haqli.
Teglar
Ulashing
O‘xshash xabarlar
Maosh kechiktirilsa, har bir kun uchun kompensatsiya to‘lanadi
Kimlarga har yili qoʻshimcha taʼtillar berilishi mumkin?
Bir maktabda er va xotin o‘rinbosar bo‘lib ishlashi mumkinmi?
Talabani ishga olishdan bosh tortish mumkinmi?
