Talabalarni ishga qabul qilishda sinov muddati belgilanishi mumkinmi?

Talabalarni ishga qabul qilishda sinov muddati belgilanishi mumkinmi?

Talabalarni ishga qabul qilishda sinov muddati qo‘llash mumkinmi? Bu savol ko‘plab ish beruvchilar va bitiruvchilarni qiziqtiradi. Sinov muddati, odatda, uch oy muddatga belgilanib, xodimning ishga layoqatliligini tekshirish va mehnat shartnomasida kelishilgan ishni davom ettirish maqsadga muvofiqligini aniqlash uchun qo‘llaniladi.

Biroq, O‘zbekiston Respublikasi Mehnat kodeksining 129-moddasi asosida, ayrim shaxslar ishga qabul qilinganda sinov muddati belgilanmaydi. Bunga quyidagi toifalar kiradi:

• Homilador ayollar;
• Uch yoshga to‘lmagan farzandi bor ayollar;
• Korxona uchun belgilangan minimal ish joylari hisobidan ishga yuborilgan shaxslar;
• O‘rta maxsus, kasb-hunar ta’limi muassasalarining hamda oliy o‘quv yurtlarining tegishli ta’lim muassasasini tamomlagan kundan e’tiboran uch yil ichida birinchi bor ishga kirayotgan bitiruvchilari.

Shunday qilib, OTMni bitirgan talabalar birinchi marta ishga kirganida sinov muddati belgilanmaydi. Bu qonun mehnatga kirayotgan bitiruvchilarga qo‘shimcha kafolatlar yaratib, ularni qo‘llab-quvvatlashga qaratilgan.