Yunusobod tumani "Mudir IELTS Granti". Grantning umumiy miqdor 160 million so‘m.

Yunusobod tumani miqyosida maktab o‘quvchilari uchun o‘tkaziladigan “Mudir IELTS GRANTI” tanlovining

Nizomi

Yunusobod tumani miqyosida IELTS o‘qish uchun maktab o‘quvchilariga 50 ta Grant ajratildi. Grantning umumiy miqdor 160 million so‘m.

Yunusobod tumani Maktabgacha va maktab ta’limi bo‘limi va Registon ta’lim loyihasi tomonidan xalqaro British Council tashkiloti bilan hamkorlikda "Mudir IELTS Granti" tanlovini e’lon qiladi. Ushbu Grant orqali Yunusobod tumani bo‘ylab 50 nafar yoshlarni mutlaqo bepul o‘qitish rejalashtirilgan.

Ma’lumot uchun, “Mudir IELTS Granti” - bu O‘zbekiston ta’limi kelajagiga befarq bo‘lmagan Registon ta’lim loyihasi tomonidan ishlab chiqilgan navbatdagi ijtimoiy loyiha bo‘lib, bu orqali eng iqtidorli yoshlarni bepul o‘qitish va munosib mukofotlash ko‘zda tutilgan.

Tanlovning asosiy maqsadi - Zamonaviy yo‘llar bilan Yunusobod tumani miqyosida tahsil olayotgan yoshlarning ta’lim olishini rag‘batlantirish, iqtidorli yoshlarni qo‘llab-quvvatlash, yoshlarning ingliz tili savodxonlik darajasini oshirish hamda moliyaviy rag‘batlantirish orqali O‘zbekiston ta’lim sohasini yanada rivojlantirishdan iborat.

Registon IELTS Granti tanlovi g‘oliblari qanday imkoniyatlarga ega bo‘lishadi?

• Registon IELTS Grantining maxsus g‘oliblik guvohnomasi va esdalik sovg‘alari;
• Registon o‘quv markazining filiallaridan birida IELTS imtihoniga tayyorlov kursini 4 oy davomida grant asosida bepul o‘qish imkoniyati (kalendar oy asosida);
• Registonning maxsus IELTS materiallari va kitoblaridan bepul foydalanish imkoniyati;
• British Council tashkiloti xalqaro IELTS ekspertlari bilan hamkorlikda tashkil etiladigan maxsus yopiq trening va seminarlarda bepul qatnashish imkoniyati;
• British Council hamkorligida tashkil etiladigan Mock imtihonlarida bepul qatnashish va imtihonning rasmiy materiallaridan bepul foydalanish imkoniyati;
• Ko‘p yillik tajribaga ega IELTS 8.5 - 9.0 mentorlardan qo‘shimcha darslar olish imkoniyati;
• Maxsus platforma orqali xalqaro IELTS ekspertlaridan onlayn darslar va qo‘shimcha mashg‘ulotlar olish imkoniyati;
• Registon o‘quv markazining "Support teacher" xizmatidan o‘quv jarayonlari davomida istalgan vaqtda bepul foydalanish imkoniyati;
• O‘quv jarayonlari yakunlangandan keyin eng yuqori ko‘rsatgichga ega bo‘lgan nomzodlar "Registan HR department" tomonidan ishga qabul qilinadi;
• Shuningdek, tanlovda ishtirok etgan nomzodlarning barchasiga maxsus QR-kodli sertifikatlar beriladi.

Tanlovni tashkil etish va o‘tkazish Registon ta’lim loyihasi’ning xalqaro toifadagi ustozlari hamda British Council tashkilotining xalqaro mutaxassislaridan tarkib topgan maxsus komissiya tomonidan amalga oshiriladi.

Ma’lumot uchun, Registon ta’lim loyihasi – bu 2014-yilda tashkil topgan O‘zbekistondagi eng yirik xususiy ta’lim tashkilotlaridan biri bo‘lib, u Respublika bo‘ylab IELTS va chet tillariga ixtisoslashgan 30 ta o‘quv markazi, shuningdek, Registon xususiy maktabi, Registon tibbiyot kolleji, Registon xususiy nashriyoti, Registon IT kompaniyasi, Registon konsalting kompaniyasi, Registon test markazi, Registon onlayn maktabi (Daryn.uz by Registan) kabi yirik loyihalarni o‘z ichiga oladi. Yaqin kunlarda "Registan International University" xalqaro standartlar asosida ta’lim beruvchi nodavlat oliygohi ham o‘z faoliyatini boshlash arafasida turibdi. Hozirgi vaqtda Registon ta’lim eco-sistemasida 30 mingga yaqin yoshlar ta’lim olmoqda, shuningdek, Registon xususiy nashriyoti tomonidan chop etiladigan o‘quv qo‘llanmalari va darsliklaridan har yili 100 000 dan ortiq yoshlar foydalanadi. Registonning 10 yillik tarixi davomida 70 mingdan ziyod yoshlar muvaffaqiyatli ta’lim olishgan.

Tanlov tashkilotchilari:

• Yunusobod tumani maktabgacha va maktab ta’limi bo‘limi, Registon ta’lim loyihasi va xalqaro British Council tashkiloti

Hamkorlar:

• Respublika Imtihonlar.uz platformasi

Grantning umumiy qiymati:

• Yoshlarning ta’lim olishi uchun umumiy 160 million so‘m grant ajratilgan

Grant uchun kvota:

• Grant g‘oliblari soni joriy o‘quv yilida 50 nafar iqtidorli yoshlar uchun belgilangan.
• Joriy o‘quv yilida nomzodlarning tashabbuslari va takliflari tanlovning maxsus komissiyasi tomonidan o‘rganib chiqilib, keyingi o‘quv yillaridan grant sovrindorlari soni va ularga beriladigan grant miqdorlari oshirib boriladi.

Tanlov ishtirokchilari:

• Ingliz tili (General English) darajalari bo‘yicha Intermediate va undan yuqori darajada bo‘lgan, Registon o‘quv markazida ta’lim olishni istagan Yunusobod tumanida tahsil olayotgan 6-11 sinf o‘quvchilari
• Muhim eslatma: ushbu grant loyihasi Registon o‘quv markazida o‘qimoqchi bo‘lgan yangi o‘quvchilar uchun tashkil etilgan. Markazlarimizda tahsil olayotgan o‘quvchilar ushbu loyihada o‘z bilimlarini tekshirib olish maqsadida imtihonlarda ishtirok etishi mumkin, lekin grantga ega bo‘la olishmaydi.

• Tanlovga ro‘yxatdan o‘tish

• Mudir IELTS Granti tanlovida ishtirok etish istagida bo‘lgan talabgorlar @Yunusobod_grant_bot orqali ro‘yxatdan o‘tadi va Respublika Imtihonlar.uz platformasida tanlovning maxsus “Shaxsiy kabineti”ni faollashtiradi.
• Ro‘yxatdan o‘tishning oxirgi sanasi: 4-aprel

Tanlov bosqichlari:

Registon IELTS Granti tanlovi 2 bosqichdan iborat. Tanlov bosqichlari umumiy baholash tizimi asosida baholanadi hamda eng munosib ishtirokchilar munosib taqdirlanadi.

Birinchi bosqich

• Ushbu bosqichda tanlovda ishtirok etuvchi nomzodlar Respublika Imtihonlar.uz platformasi orqali Yunusobod tumani miqyosida onlayn imtihon topshiradilar.
• Onlayn imtihonda ingliz tilining turli darajalarida (listening, reading, vocabulary, grammar) 50 ta test savoli beriladi.
• Tanlovining 1-bosqichi 4-aprel kuni soat 08:00 da boshlanadi va soat 20:00 da yakunlanadi.
• Barcha nomzodlar belgilangan vaqt oralig‘ida 50 daqiqa davom etuvchi onlayn imtihonda ishtirok etishadi. Tanlovning maxsus onlayn imtihon platformasi 4-aprel kuni soat 20:00 yopiladi.
• 1-bosqichdan 2-bosqichga o‘tishning minimal natijasi - 80 foiz (40 ta to‘g‘ri javob va undan yuqori) tashkil etadi. Agar imtihonda ishtirok etuvchi talabgor 1-bosqichda yetarli ball to‘play olmasa, 2-bosqichga yo‘llanma olmaydi.

✅ Ishtirokchilar uchun qat’iy eslatmalar:

• Tanlov boshlanishidan oldin yo‘riqnoma bilan yaxshilab tanishib chiqing;
• Tanlov ishtirokchilari ro‘yxatdan o‘tish vaqtida shaxsiy ma’lumotlarining to‘g‘ri va aniq to‘ldirilayotganligiga ahamiyat berishlari lozim. Nomzodlardan shaxsiy va doimiy faol bo‘lgan telefon raqam orqali ro‘yxatdan o‘tish talab etiladi (Eslatma: "Shaxsiy akkaunt" shakllantirish uchun ro‘yxatdan o‘tkazilgan telefon raqamlarga maxsus sms xabarnomalar jo‘natilishi yoki Call-markaz tomonidan qayta aloqaga chiqilishi mumkin)

Ikkinchi bosqich

• Ushbu bosqich Mudir IELTS Granti tanlovining eng asosiy bosqichi bo‘lib, ishtirokchilar ushbu bosqichda maxsus Mock (listening, reading, writing skills) imtihonidan o‘tishadi.
• Bo‘lib o‘tadigan vaqt va manzil: Tanlovning 2-bosqichi 7-aprel kuni saralangan nomzodlar o‘rtasida Registon o‘quv markazi Shahriston filialining maxsus imtihonlar binosida keng ko‘lamda bo‘lib o‘tadi. Imtihon vaqti va manzili bo‘yicha barcha ma’lumotlar nomzodlarga maxsus sms xabarnoma jo‘natiladi va Call-markaz operatorlari tomonidan batafsil ma’lumotlar beriladi.

Ikkinchi bosqich imtihoni 3 qismdan iborat bo‘ladi:

• Listening – 30 ta savol, Part 1, Part 2, Part 3 – maksimum 30 ball;
• Reading – 30 ta savol, Passage 1, Passage 2 – maksimum 30 ball;
• Writing – Essay, 250 ta so‘z – maksimum ball 40 ball.

Ikkinchi bosqich imtihoni umumiy 100 balldan iborat bo‘ladi.

Namuna: Shuni ta’kidlash joizki, nomzodlarga yanada qulaylik yaratish maqsadida, 2-bosqich imtihoni test namuna (shablon) variantlarini taqdim qilmoqdamiz. Nomzodlar ushbu namunalarni yuklab olishi va imtihonga tayyorgarlik ko‘rishlari mumkin. 2-bosqich imtihon variantlari namunalari bilan tanishing:

- Listening: IELTS Grant listening.docx

PROGRESS CHECK 1 LISTENING.mp3

- Reading: IELTS Grant Reading.docx

- Writing: IELTS Grant Writing1.docx

• 2-bosqich yakunlangandan so‘ng 10 kun davomida ishtirokchilarning umumiy natijalari Registon o‘quv markazining xalqaro toifadagi ustozlaridan tarkib topgan maxsus komissiya tomonidan tekshiriladi va umumiy natijalar e’lon qilinadi.
• Nomzodlar tanlovda g‘olib bo‘lishi uchun yakuniy imtihondan kamida maxsus Mock imtihonida minimum 56 ball va undan yuqori natijani (taqriban IELTS Mock 5.0+) natijani qo‘lga kiritgan bo‘lishi talab etiladi. Yakuniy bosqichning ballari hal qiluvchi natija hisoblanadi va umumiy mandatda filiallar bo‘yicha belgilangan kvota asosida g‘oliblar aniqlanadi.
• Ushbu bosqichda eng yuqori natija ko‘rsatgan nomzodlar munosib deb topilib, tanlovning mutlaq g‘oliblari deb e’lon qilinadi.

✅ Ishtirokchilar uchun qat’iy eslatmalar:

• Grant g‘olibi bo‘lish uchun yakuniy imtihondan kamida 56 ball va undan yuqori natija ko‘rsatish talab etiladi. Chunki ushbu tanlov IELTS darajasiga tayyorlov uchun mo‘ljallangan bo‘lib, Grant g‘oliblari 3 oyga mo‘ljallangan maxsus dasturimizda mutlaqo bepul o‘qish imkoniyatiga ega bo‘lishadi. Ushbu dasturda o‘qish va dasturni tushunishingiz uchun sizdan kamida Intermediate yoki undan yuqori daraja talab qilinadi;
• Tanlov g‘olibi bo‘lgan nomzodlar Grant asosida o‘qishni boshlagandan so‘ng, 10 kun ichida maxsus mentor tomonidan belgilangan kunga IELTS sertifikatini olish uchun imtihonga ro‘yxatdan o‘tishlari kerak.

Tanlov g‘oliblarini rag‘batlantirish

IELTS Granti tanlovi g‘oliblari Registon o‘quv markazining maxsus tadbirlar bo‘lib o‘tadigan majlislar zalida tantanali ravishda taqdirlanishadi.

Shuningdek, tanlovda ishtirok etgan nomzodlarning barchasiga maxsus esdalik QR-kodli sertifikatlar onlayn topshiriladi. Sertifikatlar Respublika Imtihonlar.uz platformasining “Shaxsiy kabinet” bo‘limi orqali barcha ishtirokchilarga yuboriladi.

Registon o‘quv markazi o‘zining bo‘lajak eng iqtidorli o‘quvchilariga omad tilaydi!

Tanlov bo‘yicha savollar va murojaatlar bo‘lsa @Registon_Shahriston manziliga yozishingiz mumkin.