2025-yilda ta’lim sohasiga budjetdan qancha mablagʻ ajratilishi rejalashtirilmoqda?

2025-yil uchun O‘zbekiston Respublikasi Iqtisodiyot va Moliya vazirligi tomonidan ishlab chiqilgan “Davlat byudjeti to‘g‘risida”gi qonun loyihasiga ko‘ra, mamlakatdagi umumiy ta’lim tizimi uchun 195 trillion 763 milliard so‘mdan ortiq mablag‘ ajratilishi belgilangan. Bu mablag‘lar ichida ta’lim sohasiga katta e’tibor qaratilgan bo‘lib, uning asosiy yo‘nalishlari quyidagicha:

Ta’lim sohasiga ajratilgan mablag‘ miqdori

2025-yil byudjeti loyihasiga ko‘ra:

• Maktabgacha va maktab ta’limi vazirligiga — 59,5 trillion so‘m
• Oliy ta’lim, fan va innovatsiyalar vazirligiga — 6,6 trillion so‘m

Maktabgacha va maktab ta’limiga ajratilgan mablag‘larning yo‘nalishlari

Ta’lim sohasiga ajratilgan mablag‘lar quyidagi yo‘nalishlarda ishlatilishi rejalashtirilgan:

• Rivojlantirish dasturlari uchun — 6 trillion 631 milliard 679 million so‘m
• Darsliklarni yangilash uchun — 1 trillion 300 milliard so‘m
• Ta’lim sohasidagi islohotlarga ko‘maklashish jamg‘armasini shakllantirish uchun — 250 milliard so‘m
• Vazirlikning o‘z jamg‘armasini shakllantirish uchun — 120 milliard so‘m
• Kompyuter sinflarini yangilash uchun — 200 milliard so‘m
• Sport jihozlari bilan ta’minlash uchun — 62 milliard 79 million so‘m
• Xorijiy o‘qituvchilarni jalb qilish uchun — 250 milliard so‘m
• Milliy cholg‘u asboblari bilan ta’minlash uchun — 50 milliard so‘m
• Maktablarga planshetlar xarid qilish uchun — 50 milliard so‘m
• Kambag‘al oilalar reyestridagi bolalar uchun to‘garaklar tashkil qilish uchun — 500 milliard so‘m
• Davlat-xususiy sheriklik asosida maktabgacha ta’lim tashkilotlariga subsidiyalar — 3 trillion 809 milliard 600 million so‘m
• Kapital qo‘yilmalar, shu jumladan loyihalashtirish va qurilish ishlari uchun — 4 trillion 10 milliard so‘m

2024-yil bilan solishtirma taqqoslash

2024-yilda ta’lim sohasiga quyidagi miqdorda mablag‘ ajratilgan edi:

• Maktabgacha va maktab ta’limi vazirligi — 46 trillion 647 milliard 414,5 million so‘m
• Oliy ta’lim, fan va innovatsiyalar vazirligi — 6 trillion 130 milliard 330 million so‘m

Taqqoslaganda, 2025-yilda ta’lim sohasiga ajratilgan mablag‘ 11 trillion so‘mdan ortiq oshirilgan, bu ta’lim tizimini yanada rivojlantirish uchun keng imkoniyatlar yaratadi.