Darsda telefondan foydalanish mumkinmi?

✅ Quyidagilar taqiqlangan:

— Telefonini bo‘yniga osib olish, ko‘krak cho‘ntaklarida, shim, yubkalari cho‘ntaklarida va shu kabilarda saqlash;

— Telefon akkumulatorini zaryadlash uchun taʼlim muassasasi elektr tarmoqlariga ulash;

✅ Telefoni yordamida:

— Atrofdagilarga zo‘ravonlik, shafqatsizlik, pornografiyani targ‘ib qiluvchi video va suratlarni namoyish qilish;

— Taʼlim muassasasining nufuziga, shu jumladan, zo‘ravonlik va vandalizm holatlarini suratga olish va keyinchalik ularni atrofdagilarga namoyish etish yo‘li bilan zarar yetkazish;

✅ O‘quv mashg‘ulotlari vaqtida:

— Telefon orqali so‘zlashish hamda SMS (MMS) va boshqa turdagi xabarlarni jo‘natish;

— Telefonni stol ustiga qo‘yish;

— Mo‘siqa tinglash;

— Surat va video tasvirlarni ko‘rsatishda telefondan foydalanish, tasvir ko‘rish, diktofon, kalkulyator, kalendar, bloknot, yon daftarcha kabilar sifatida foydalanish;

— Suratga olish va video tasvirga tushirish;

— Telefon orqali boshqa xizmatlardan foydalanish.

❗️ Tartib buzilsa:

Taʼlim muassasasining har qanday pedagog xodimi taʼlim oluvchidan telefonni olib qo‘yish, bildirishnoma rasmiylashtirish va uni telefon bilan birga taʼlim muassasasining direktoriga yoki direktor o‘rinbosariga, keyinchalik uni ota-onalarga berish huquqiga ega.