Uzbekistan Airways Navro‘z va Ramazon hayiti munosabati bilan chegirmalar e’lon qildi
17-mart 11:30
Uzbekistan Airways Navro‘z va Ramazon hayiti munosabati bilan chegirmalar e’lon qildi. Bu haqda Aviakompaniya axborot xizmati ma’lum qildi.
Qayd etilishicha, barcha ichki reyslar uchun biznes va ekonom-klass tariflariga 15 foizgacha chegirmalar taqdim etiladi.
Ushbu chegirmalar quyidagi muddatlarda amal qiladi:
— chiptalarni xarid qilish: 17-martdan 23-martgacha;
— parvozlar davri: 20-martdan 23-martgacha.
Ma’lum qilinishicha, chegirma faqat aviachipta tarifiga taalluqli bo‘lib, soliqlar va yig‘imlar qo‘shimcha ravishda to‘lanadi.
Chiptalarni booking.uzairways.com sayti, mobil ilova, “Uzbekistan Airways Sales” filiali yoki aviakompaniya agentlaridan xarid qilish mumkin.