Nega kirish imtihonlarida kalkulyatordan foydalanishga ruxsat berilmaydi?
19-iyun 20:17
Lekin olimpiadalarda kalkulyatorga ruxsat beriladi. Bu 2 xillikka sabab nima? Savolga Bilim va malakalarni baholash agentligi mas’ullari javob berdi.
Sababi: savollarning qiyinlik darajasi va savol turlari bilan bog‘liq.
Kirish imtihonlarida savollar 3 ta darajali: oson, o‘rta va qiyin darajada bo‘ladi hamda yopiq testlardan iborat. Testlardagi sonlarni kalkulyatorsiz ham hisoblash mumkin bo‘ladi.
Olimpiadalarda esa yozma ish ham bo‘ladi, vaqt esa cheklangan. Savollar darajasi murakkab, unda ishtirok etgan sonlar ham qiyin bo‘ladi. Shuning uchun ularga kalkulyator beriladi.
